Gure bizitzaren zikloan zehar, egoera oso desberdinekin topatzen gara eta behin eta berriz zikloak hasi eta amaitu egiten dira, batzuetan ordea batzuk bidean geratzen dira, deritzogun neurosi egoerak sortuz. 

Hori dela eta, egoera hauen aurrean bidaidetasun profesionalak erraztu gaitzake ohartarazten bidean nola heldu garen orain eta hemen eta daukagun honekin zer egin erabakitzen. Norbere buruaz eta besteaz kontzientzia jartzeak bide berriak irekitzen dizkigu, gure itzalak begiratzera ausartuz eta ardura hartzeko gaitasunak landuz. Konturatzen gara beti gaudela inguruarekin eta beste izateekin hartu-emanean eta sortzen diren kontaktu eta aldentzeak kudeatzen. Bizitzaren ikaste prozesu honetan gure esperientziei jartzen diegun begiradak erakusten digu nola jarraitu nahi ala ez dugun nahi eta lagungarria izaten gorputzari entzuten eta ulertzen asmatzea. 

Kontzientzia eta inkontzientzia garunaren kontzeptu erdibitua dira. Barne eta kanpo gatazka desberdinak joan-etorrian dauzkagu, hondo eta azalaren artean, uneko egoerara, hemen eta orainera etorriz, etenik gabe. Horien baitan dauden elementu ugari sortzen dira gure gorputz osoan, modu dinamikoan eta sutilean : Emozioak, pentsamenduak, ekintzak, pertzepzio eta sentsazioak, jarrerak, aurre-iritziak, ikaskuntza sozialak, etab.